Mab e dad

Ce que dit l'éditeur

Goude e studiadenn diwar-benn al lennegezh vrezhoneg abaoe 1945, goude ar Geriadur Meur, goude e levr war sujed sevenadur Breizh a-vremañ, e ro F. Favereau deomp ur romant ar wech-mañ.

Mab e dad zo war un dro tammoù thriller, un dornad avanturioù, ul loaiad karantez hag ur meudad anarkiezh hejet ha mesket mad oc'h ober anezhañ : ur sort enklask e memor an dud, un enklask hag a zalc'h divorfil al lenner betek ar penn diwezhañ.

Ar yezh a lennoc'h amañ eo hini ar Poher dre vras, alies gant ar stummoù berraet a glever e Kerne-Uhel pe e Treger Vihan, ha gant gerioù deuet eus ar galleg pe eus ur rannyezh all bennaket, ha n'eo ket ur yezh ken ampezet ha kolieroù hon tadoù-kozh. Ne voug ket ivez an oberour gant un doujañs divent evit an holl dud sakr, ha pa vent emsaverien pe paotred ar "maquis", nag evit an traoù santel, skolioù kristen pe ti ar breujoù e Roazon, met se ne vir ket outañ a zegas deomp diduañs betek pal e enklask, a-hed darvoudoù ar goañv 1994.